HATAW! D'yaryo ng Bayan hatawtabloid.com
MALAKI ang naging epekto sa dating aktor na si Derek Dee nang magkaroon siya ng sakit na Hepatitis-C. Nangyari ito four years ago at dahil dito’y naging advocacy na niya ang pagsugpo ng sakit na Hepa-C.
“Well, it’s my advocacy, kasi four years ago I got a routine blood test and I got tested positive for Hepatitis-C. And if you are familiar with Hepa-C, it’s a slow killer. Parang, it eats up your liver overtime. During that time, four years ago, parang… there was no cure and there was only one treatment and parang fifty percent cure rate with deadly side effects pa, so I refused treatment.
“Pero last year I discover a drug, Harvoni at ang ganda ng ano e, its one pill a day, you take it for three months, no side effects and the cure rate is 97%. So I said, ‘It’s like going to a casino, hindi ba?’ If you have a 97% chance of winning, that’s a very good rate. Ang malas mo naman if you’re part of the three percent,” saad ni Derek na nagbida at naging producer sa ilang pelikula noong dekada 80.
Dagdag pa niya, “When I was diagnosed, sinabi ko na sa anak kong si Michelle at sa wife ko na I’m dying. Until I stumbled nga on this pill na ni-research ko rin and mayroon ng gamot ang Hepa-C. Very expensive siya and when I took it for months, had myself checked again, nawala siya.
“I guess I got it during my early teenage years sharing needles. Although for decades now, I no longer do drugs, Hepa-C was already in my system and I only knew it four years ago.”
Pabirong pahabol pa ni Derek, “Paki-clear lang, thirty years ago pa ‘yang paggamit at subok ko ng drugs, ha. Baka kasi mamaya may kumatok bigla sa pintuan ko at sabihin na user ako. Pero noong araw pa iyon, hippie ako noon, e.” nakatawang saad niya.
Sinubaybayan daw niya ang gamot na Harvoni hanggang lumabas ito sa market pero nalula siya sa presyo nitong one thousand dollars bawat tableta. Kaya sa tatlong buwan na pag-inom nito ay gagastos ang pasyente ng ninety thousand dollars! Ang katwiran daw ng manufacturer, mas mura pa rin ito kaysa sa liver transplant. Dahil alam ni Derek na maraming hindi kaya ang presyo ng naturang miracle drug, nakakita raw siya ng mga kompanya na kayang gumawa ng ganitong gamot sa presyong $800-$1,200 sa buong treatment na. Kaya ito ngayon ang advocacy ni Derek, na makatulong ipaalam sa publiko ang mga bagay na ito.
Ayon pa kay Derek, hindi naman daw niya totally isinasara ang pinto sa pagbabalik-showbiz. Katunayan, posible rin daw siyang magprodyus ng indie film ukol sa kanyang advocacy sa Hepa-C. Pero sa ngayon, sa krusada niya para sa mga may sakit ng Hepa-C muna siya nakatutok.
Para sa details, pls. visit www.hepcured.net at Facebook page, @hepcured.
ALAM MO NA! – Nonie V. Nicasio
