HATAW! D'yaryo ng Bayan hatawtabloid.com
DAGUPAN CITY – Patay ang isang ina at 5-buwan gulang niyang sanggol habang sugatan ang walong iba pa sa salpukan ng isang Mitsubishi Montero at Toyota Avanza kahapon ng madaling araw sa bayan ng Binalonan, Pangasinan.
Patungo sa lalawigan ng La Union ang Montero habang kalalabas lamang ng Avanza sa bahagi ng Tarlac Pangasinan La Union Expressway (TPLEX) nang magbanggaan ang mga ito sa kabahaan ng national highway ng Binalonan.
Agad namatay ang 23-anyos ina at kanyang sanggol, habang nilalapatan ng lunas sa pagamutan ang walong sugatan.
Sa inisyal na imbestigasyon, lumalabas na posibleng sa kawalan ng road signs ang dahilan ng insidente.
