HATAW! D'yaryo ng Bayan hatawtabloid.com
KUNG ang ibang nagdiriwang ng kaarawan ay mas pipiliing magpa-party with all their friends in attendance ay iba ang plano ni Michael Pangilinan as he turns 21 this November 26.
Isang libreng concert kasi ang idaraos ng tinaguriang Harana Prince (at Kilabot ng mga Kolehiyala) sa Rajah Sulayman Park sa Malate (katabi ng Aristocrat), mula 4:00 p.m.- 7:00 p.m..
Naging mabiyaya naman kasi ang mga nagdaang taon para sa alagang ito ng kaibigan at kumpareng si Jobert Sucaldito. Kumbaga, holding a free concert is Michael’s way of thanking his fans para sa suporta ng mga ito sa kanyang singing/recording at movie career.
Malaking kredito ang dapat ibigay kay Jobert sa paghulma kay Michael, mula sa pagtataglay nito ng passion at professionalism sa kanyang trabaho.
And yes, isama na ang humility sa kabila ng tinatamasa nitong tagumpay!
( RONNIE CARRASCO )
