HATAW! D'yaryo ng Bayan hatawtabloid.com
HAPPY si William Thio na mapabilang sa pelikula ng kilalang Mr. Public Service sa UNTV na si Kuya Daniel Razon titled Isang Araw, Ikatlong Yug-to! Aminado si William na malaking bagay sa kanya na makasali sa pelikulang ito ni Kuya Daniel dahil iniidolo niya ito.
Ngunit may dagdag na bonus pa ang pagkakasali niya rito dahil isa sa mapapanood sa naturang pelikula ay ang award-winning aktres na si Ms. Nora Aunor.
“Pulis ang role ko rito, I’m kuya Daniels sidekick kasi eh. And bukod kay Ms. Nora, maraming mapapanood dito like, Jackie Lou Blanco, Eddie Garcia, Gina Pareño, Wendell Ramos, Lara Quigaman at marami pang iba.
“Si kuya Daniel is someone I look up to. He’s an incredible person. Idol ko siya so I’m always starstruck to be working with him. Sa movie na ito, I become good because of him, dahil kay Kuya Daniel,” saad sa amin ni William.
Ano ang na-feel mo na nakatrabaho mo ang isang Superstar na si si Ms. Nora?
Sagot niya, “Wow. Ibang klase, it was surreal. Ang galing niya. Isang pulubi ang role ni Ms. Nora rito at kitang-kita na sobra talaga ang galing niya.”
Matagal na nawala sa pag-arte si William, atlthough this year ay nagging tampok siya sa pelikulang Barkong Papel. Member si William ng Star Circle-Batch 5, kasama sina John Lloyd Cruz, Baron Geisler, Marc Solis, Tanya Garcia, Shaina Magdayao, Serena Dalrymple, at iba pa.
Ibig bang sabihin nito na posibleng mas mapadalas ang paggawa mo ng movie?
“I’m not sure. Although I had fun,” nakangiting saad pa sa amin ni William.
ALAM MO NA! – Nonie V. Nicasio
