Bahay nina Claudine at Raymart sa Marikina, inaagad ang pagbebenta

MISMONG ikaanim na taong pagdiriwang ng programang Cristy Ferminute kamakailan ay naging espesyal na panauhin namin ni Tita Cristy Fermin si Atty. Ferdie Topacio. Bale bisperas din ‘yon ng kanyang 51st birthday.

Himself one of the sponsors sa isinagawang raffle ng CFM, nagsilbing daan na rin ni Atty. Ferdie para sampolan kami ng ilan sa kanyang mga signature song. Standard hits pala ang repertoire niya.

Namangha kami sa timbre ng boses ng abogado, no wonder, minsan isang panahon pala’y nagkaroon siya ng set bilang isang lounge singer sa Manila Garden Hotel (now Dusit Hotel along Pasay Road cor. Edsa, Makati).

Siyempre, kinumusta na rin namin ang status ng kaso ng kanyang kliyenteng si Claudine Barretto (who’s also being romantically linked to him) laban sa dating partner nitong si Raymart Santiago.

Ayon kay Atty. Ferdie, nagkaayos na raw ang dating magkarelasyon. In fact, nagkasundo raw sina Raymart at Claudine na paghatian ang mapagbebentahan ng kanilang property sa Marikina City.

Pero habang wala pa raw nakabibili nito’y okey lang daw kay Raymart na roon muna tumira si Claudine. Inaagad daw ang pagdidispatsa sa propyedad na ‘yon dahil binabaha ang lugar na ‘yon sa kaunting buhos lang ng ulan.

Samantala, isa palang Donald Trump fan si Atty. Ferdie, pero iginagalang din niya ang mga sumuporta sa talunang si Hilary Clinton.

HOT, AW! – Ronnie Carrasco III