Sikat na babaeng personalidad, hiniwalayan ang dyowa dahil sa baba ng IQ

SA isang event kamakailan ay naglitanya ang isang sikat na babaengpersonalidad ng ilang mga lumang isyu sa kanyang personal na buhay, isa roon ay ang kanyang matinding pangamba noong maghiwalay sila ng kanyang partner limang taon na ang nakararaan.

Pero mabilis ang aming reliable source sa pangunguwestiyon sa sensiridad ng hitad sa kanyang rebelasyon. ”Ha, ano ‘ika niya, natakot siya noong maghiwalay sila? At ‘end of the road’ na raw ‘yon ng buhay niya?”

Isa kasi ang aming impormante sa dadalawa lang umanong napaghingahan ng personalidad na ‘yon ng tungkol sa noo’y lumalabo nitong pagsasama sa kanyang dyowa.

“Tumigil nga siya sa kadramahan niya! Gusto ko lang ipaalala sa kanya na dalawa kami ng kasama ko (sa trabaho) nang mag-emote siya sa amin na siya itong gusto nang makipaghiwalay sa dyowa niya, ‘no!  Kaso, alumpihit siya noon dahil kapag ginawa raw niya ‘yon, eh, tiyak na ang simpatya ng publiko, eh, doon sa dyowa niya. Sige, ewan ko lang kung makukuha niyang idenay na sinabihan pa nga niyang ‘bobo’ ang dyowa niya, bobo as in malayo raw ang IQ nito sa kanya!”

Da who ang exchoserang bida sa kuwentong ito? Itago na lang natin siya sa alyas na Chrysanthemum Aquinas.

( Ronnie Carrasco III )