HATAW! D'yaryo ng Bayan hatawtabloid.com
AFTER maghintay ng ilang panahon, napanood na rin finally ang pelikulang Mulat (Awaken) na pinamahalaan ni Direk Diane Ventura. Recently, naging matagumpay ang premiere night ng pelikulang tinatampukan nina Jake Cuenca, Loren Burgos, Ryan Eigenmann, Candy Pangilinam, at iba pa.
Bukod sa pagdidirek nito, siya rin ang nagsulat at nag-produce ng Mulat na nakakuha ng A-rating sa Cinema Evaluatioan Board (CEB).
Pinuri ng lady filmmaker ang mga nakatrabaho niya rito. “I’m very lucky to have had this stellar cast on board. It made my job just much easier and enjoyable.
“Si Loren noong na-meet ko bago lang talaga siya. Si Jake naman kahit bihasa na, nagulat pa rin ako kasi sobrang mapagkumbaba at team player, walang ere. Naka-relate ako agad sa kanya sa passion at dedication niya not for fame or money, pero for his love of the art. Bihira na yung ganoon dito kasi. Sobrang supportive niya kahit na independent feature lang yung pelikula,” esplika ni Direk Diane.
Gusto ba niya ulit makatrabaho sina Jake at Loren? “I’d work with Jake and Loren again for sure, kasi madali sila katrabaho and supportive talaga sila and nandiyan sila hanggang sa huli. Hindi lang sila talented, professional talaga sila.”
Ano ang feeling niya na muling napanood ng madla ang kanyang pelikula na naging kalahok dati sa CineManila and Cinema One Originals noong 2014?
Sagot niya, “I’m just really happy na may pagkakataon para mapanood ng mga tao ang pelikulang pinaghirapan namin lahat tapusin. I just wish that the industry specifically theaters were a bit more supportive of independent films. Mahirap kasi kahit maraming gusto manood, di naman accessible sa lahat kasi ang priority yung commercial films. Walang platform or avenue ang mga independent filmmakers at artists. It’s sad kasi dekalidad ang mga pelikula pero di nabibigyan ng same chance.”
Tuloy-tuloy na ba ang pag-produce at pagdirek niya ng movie? “Oo, as long as may ideas ako at masaya pa ako, tutuloy ko pa rin ito. Pero di ko pa rin bibitawan ang music production din.Yung last concert ko was a tour in the US,” saad pa ni Direk Diane na ang next movie ay may working title na Deine Farbe (Your Color).
ALAM MO NA! – Nonie V. Nicasio
