Jake Vargas sa droga — nakasisira ‘yan ng buhay

“MALALAMAN mo naman ‘yan sa sarili mo, eh, kapag may lumapit sa iyong tao na ganyan” Ito ang pahayag ni Jake Vargas kaugnay sa tanong kung may mga tao na bang nagtangkang pagamitin siya ng ipinagbabawal na gamot.

Aniya, “Sasabihin ko, ‘A, wala, wala. Hindi ako puwede sa ganyan, pare!’

“Kasi alam ko namang may pamilya ako na sinusuportahan, masisira ang buhay ko riyan.

“’Pag nasimulan mo ‘yan, magdidire-diretso na, masisira ang buhay ko.”

Willing daw siyang magpa-drug test para patotohanan na hindi siya nagdodroga at gusto nga rin daw nitong tawagan ang kanyang kapwa artista na magpa-drug test para patunayang hindi sila adik.

MATABIL – John Fontanilla