Karylle, tanggap sino man ang makatuluyan ng inang si Zsa Zsa

NO doubt, tanggap ni Karylle na may sarili ring pangangailangan sa buhay ang kanyang inang si Zsa Zsa Padilla, most especially nang yumao ang partner nitong si Dolphy many years ago.

Hindi sa pagkamatay ni Tito Dolphy nagtapos ang pag-ikot ng mundo ng binansagang Divine Diva. In no time at all ay muling tumibok ang kanyang puso, thanks to Architect Conrad Onglao.

It wasn’t as if namayapa ngayon si Tito Dolphy, kinabukasan ay nakahanap na ng kapalit si Zsa Zsa. It was a long process kung paanong dumaan din sina Conrad at Zsa Zsa sa mga pangyayaring sumubok sa katatagan ng kanilang relasyon.

Hindi pala totoong kahit kapwa na sila may edad ay mas madaling i-handle ang kanilang ugnayan. Five months ago, just when everything had been set para sa kanilang pag-iisandibdib ay at saka naman sila naghiwalay.

Five months later, however, eto’t nagkabalikan sila. Isang pagpapatunay lang ‘yon na dumanas lang sina Conrad at Zsa Zsa ng isang episode sa kanilang buhay-pag-ibig wherein may rough sailing ahead.

Ngayong balik na sila sa isa’t isa, tanungin n’yo si Karylle pero wala siyang maapuhap na petsa kung matutuloy pa ba ang altar date ng kanyang ina sa arkitekto who’s bound to be her stepdad.

Marahil, para kay Karylle ay hayaan na lang mangyari kung ano ang itakda ng panahon. After all, minsan na ring nagmahal nang sobra si Karylle sa isang aktor who she thought she’d end up with, pero napunta ‘yon sa ibang kanlungan.

Now happily married, Karylle only has the best wishes para sa kanyang ina ke si Conrad man o hindi ang makakatuluyan nito.

HOT,  AW! – Ronnie Carrasco III