HATAW! D'yaryo ng Bayan hatawtabloid.com
KORONADAL CITY – Balik kulungan ang tatlong presong tumakas mula sa Cotabato District Jail sa Amas, Kidapawan City makaraan mahuli sa na hot pursuit operation ng mga awtoridad.
Ayon kay Jail Warden Peter Bungat, ang tumakas na mga preso ay may mabibigat na mga kaso.
Aniya, nakipagtulungan ang pamilya ng nasabing mga takas na preso ngunit hindi na isinapubliko ang pangalan ng tatlong naibalik sa kulungan mula sa limang tumakas.
Magugunitang noong nakaraang Oktubre 19 nangyari ang jailbreak sa Cotabato District Jail at nakatakas sina Antelino Saipudin, Makalilang Angkit, Taligtig Sambutuan, Omar Tiban Alba at Alex Datuan Tiban.
