Lasing na obrero nalunod sa dam

LAOAG CITY – Nalunod sa dam sa Brgy. Parparoroc, Vintar, Ilocos Norte ang isang construction worker kamakalawa.

Kinilala ang biktimang si Jojo Agbayani, 25, may live-in partner, isang construction worker, at residente sa Brgy. 56-A, Bacsil North sa lungsod ng Laoag.

Batay sa imbestigasyon ng PNP Vintar, nagtungo ang biktima kasama ang ilang kaibigan at isang kapatid sa Vintar dam at doon sila nag-inoman at naligo.

Habang sila ay naliligo, umakyat ang biktima sa tore ng dam nang apat na beses at saka nag-dive.

Makaraan ang pag-apat na pag-dive ng biktima, hindi na siya umahon kaya’t nagpasaklolo sila sa rescuers ng Municipal Disaster Risk Reduction and Management Council (MDRRMC) ng bayan ng Vintar ngunit wala nang buhay nang matagpuan si Agbayani.