HATAW! D'yaryo ng Bayan hatawtabloid.com
NAGA CITY – Labis na takot at pangamba ang nararamdaman ng isang 17-anyos estudyante ng Polytechnic University of the Philippines (PUP) makaraan makidnap at makarating sa Lungsod ng Naga.
Ayon sa dalagita, pauwi na sana siya galing sa naturang unibersidad pasado 11:00 am kamakalawa nang bigla siyang harangin ng apat kalalakihan at puwersahang ipinasok sa isang van.
Ayon sa biktima, tinakpan ng panyo ang kanyang ilong hanggang mawalan siya ng malay.
Nang magising, nasa harap na siya ng isang mall sa lungsod at nawawala na ang kanyang pera na aabot sa P4,000.
Aniya, wala siyang ibang maalala maliban sa sinabi ng isa sa mga suspek na siya ang sisingilin sa hindi pa malamang dahilan.
Sa ngayon, patuloy ang imbestigasyon ng mga awtoridad para matukoy ang grupo sa likod ng naturang insidente.
