Sino kina Ipe at Binoe ang makatutulong kay Mark Anthony?

ANG ‘di pagpapatupad ng tinatawag na Miranda Law sa pagkakaaresto kay Mark Anthony Fernandez ng pulisya sa Pampanga kamakailan ang gagamiting depensa umano ng kampo ng aktor.

Standard Operating Procedure o SOP nga naman ang prosesong ito na nagbibigay ng karapatan sa isang arestadong indibidwal na manahimik at kumuha ng abogadong kakatawan sa kanya. Anuman kasi ang sabihin nito ay maaaring gamitin laban sa kanya.

Nadakip si Mark ng wala ang presensiya ng isang abogado.

Samantala, dalawang mahahalagang tao sa buhay ni Mark—identified with President Rody Duterte—ang nakasuporta sa kanya: sina Robin Padilla na kanyang kadugo at Phillip Salvador na matalik na kaibigan ng kanyang yumaong ama na si Rudy Fernandez.

Pahapyaw lang namang napag-usapan ang dalawang action star, sa kung sino kina Robin at Kuya Ipe ang mas makagagawa ng paraang mapawalang-sala si Mark.

Narito ang daloy ng usapan. “Si Robin pa ang mas may kakayahan. ‘Di ba, alam naman nating supporter siya ni Digong? Si Phillip? Naku, malabo! Eh, hindi naman siya nangampanya ni minsan noong nakaraang eleksiyon para kay Digong, ‘no! Oo nga’t tumatakbo rin siya noon bilang Vice Governor ng Bulacan, pero hindi siya naglaan kahit isang araw man lang sa kampanya ni Digong.”

Pero bakit minsang naisulat na ang tawag kay Kuya Ipe sa tuwing dinadalaw nito ang mga nakakulong na kaibigang sina Senator Jinggoy Estrada at Senator Bong Revilla sa PNP Custodial Center (sa Camp Crame) ay “Mr. President”?

Hindi ba’t itinawag ‘yon kay Kuya Ipe dahil sa pagiging malapit nga niya kay Digong?

Diretsong tugon ng aming kausap, “Naku, ang press ang tumatawag sa kanya niyon!”

HOT, AW! – Ronnie Carrasco III