HATAW! D'yaryo ng Bayan hatawtabloid.com
TUGUEGARAO CITY – Patay ang dalawang lalaki habang apat ang nasugatan sa banggaan ng dalawang motorsiklo kamakalawa sa bayan ng Buguey, Cagayan.
Namatay habang nilalapatan ng lunas sa pagamutan ang mga biktimang si Edgar Carbonel, 52, driver ng motorsiklo; at backrider na si Reynaldo de Guzman, kapwa residente ng Brgy. San Lorenzo.
Habang sugatan ang isa nilang kaangkas na si Ricky Calandoy at ang driver nang nakabanggaang motorsiklo na si Bernard Grande, 21, at angkas niyang sina Rick Pabua, 24; at Rowin Cardenas, 25.
Sa ulat, kapwa binabagtas ng dalawang motorsiklo ang magkasalungat na direksiyon ng national highway sa Brgy. San Lorenzo nang umagaw sa linya ang suspek dahilan ng kanilang salpukan.
