Listahan ng parokyano ni Krista Miller hawak na ng PNP

HAWAK na ng Quezon City Police District (QCPD) ang listahan ng mga parokyano ng model at aktres na si Krista Miller sa negosyo ng ilegal na droga.

Ayon kay Quezon City Police District (QCPD) Director, Senior Supt. Guillermo Eleazar, nagbigay na ng mga pangalan si Miller na kanyang benebentahan ng droga.

Sinabi ni Eleazar, sama-sama na aniya sa listahan ang mga ordinaryong sibilyan at ang mga artistang bumibili ng droga kay Miller.

Pagbibigay-diin ni Eleazar, susuriin muna nila nang maigi ang mga pangalang binanggit ni Miller bago maging target sa police operations.

Sa ngayon, humahaba ang kanilang drug watchlist dahil sa mga ikinakanta ng mga nahuhuli nilang drug personalities.