FPJAP, mas kapana-panabik sa mga susunod na tagpo

MAS kaabang-abang at kapana-panabik ang mga magaganap sa mga susunod na tatlong buwan ng FPJ’s Ang Probinsyano. Ito ang tiniyak ni Coco Martin sa presscon nito kasabay ang isang taong pagdiriwang ng teleserye.

Ani Coco, may mga mabubunyag na sikreto sa ilang karakter na napapanood sa teleserye.

“Mula ngayon hanggang sa December, ‘yung napakatagal na hinihintay ng manonood, ngayon mabubuksan ang totoong kuwento ng nangyari. Itong three months na ito rito na po tatakbo ang kung ano ang mga totoong sikreto ng bawat character,” ani Coco.

“Kaya nga po sisiguraduhin namin na sa loob ng tatlong buwan hinding-hindi kayo bibitaw dahil ito ‘yung pinakamatagal ng hinihintay ng mga tao na gusto nilang makita at malaman kung ano ang totoo,” giit pa ng actor.

Samantala, kaugnay ng pagdiriwang ng ika-unang taon ng Ang Probinsyano, magkakaroon sila ng thanks giving concert sa  October 8 sa Araneta Coliseum. Makakasama nila sina Vice Ganda, Nadine Lustre,James Reid at marami pang iba.

SHOWBIZ KONEK – Maricris Valdez Nicasio