HATAW! D'yaryo ng Bayan hatawtabloid.com
HINDI itinanggi ni Yassi Pressman na mas naging close sila ni Coco Martin simula nang gawin niya ang FPJ’s Ang Probinsiyano. Kaya naman natanong ang aktres kung may posibilidad para sa magkaroon sila ng real-life romance.
Nangingiting sagot ng dalaga, ”Hindi ko po alam. Basta ang alam ko lang po, si Coco ay napakabait, napaka-passionate, napaka-hard working.”
Sa set ng FPJ’s Ang Probinsyano lang nagkita at nagkakilala sina Yassi at Coco. At dahil sila ang madalas na magka-eksena hindi nga naman nakapagtataka kung maging close ang dalawa.
“Roon ko lang po sa set siya nakilala. Sobrang mabuting tao pala niya,”sambit nito.
Natanong din ang aktres kung “boyfriend material ba si Coco.
“Masasabi kong oo. I’m pretty sure na masasabi rin naman ‘yon ng lahat ng tao dahil maasikaso naman po talaga si Coco,” giit pa ng aktres na ginagampanan ang isang TV reporter sa FPJAP.
Isa na ngayon si Yassi sa mga regular cast member ng isang taon nang seryeng FPJAP kasama sina Susan Roces, Jaime Fabregas, Albert Martinez, Arjo Atayde, at Eddie Garcia.
SHOWBIZ KONEK – Maricris Valdez Nicasio
