HATAW! D'yaryo ng Bayan hatawtabloid.com
PITONG lalaki ang inaresto sa isinagawang “One time, big time” operation sa illegal drugs sa Tondo, Maynila kamakalawa.
Sa ulat ng Raxabago-Tondo Police Station sa Manila Police District, nagsagawa ng operasyon ang kanilang Station Anti-Illegal Drugs-Special Operations Task Unit dakong 7:45 pm sa kahabaan ng Pag-asa St., Brgy. 180, Tondo.
Nahuli sa nasabing operasyon ang mga suspek na sina Jonathan Corbe, 48; Lester Ramal, 28; Nino Baldonado, 29; Luisito Lopez, 28; Ronald Romero, 27; Cedric Flores alyas CJ, 20; at Arnel Ocampo, 38-anyos.
Nakuha mula sa mga suspek ang isang sachet ng shabu na tinatayang halagang P300, drugs paraphernalia, at dalawang motorsiklo na hindi nakarehistro.
Sasampahan ang mga suspek ng kasong paglabag sa R.A. 9165 (Comprehensive Dangerous Drugs Act of 2002).
( LEONARD BASILIO )
