HATAW! D'yaryo ng Bayan hatawtabloid.com
POSIBLENG tumagal pa ng limang araw sa ospital ang high-profile inmates na sina Jaybee Sebastian, Peter Co at Vicente Sy makaraan ang naganap na riot kamakalawa sa Building 14 ng New Bilibid Prisons (NBP) na ikinamatay ng isang inmate na si Tony Co.
Ngunit ayon sa mga doktor sa Medical Center Muntinlupa (MCM), bagama’t stable na ang kalagayan ng tatlo ay patuloy pa rin silang inoobserbahan dahil sa mga saksak at sugat.
Si Co at Sebastian ay isinailalim na sa operasyon para tanggalin ang dugo at hangin sa kanilang baga at chest cavity.
Si Sebastian ay tinamaan ng saksak sa dibdib, braso at kamay habang si Co ay nasaksak sa dibdib, at si Sy ay nasaksak sa likod at tagiliran.
Sa ngayon, ang immediate family members muna ang pinapayagang pumasok sa silid ng inmates.
Mahigpit pa rin ang seguridad sa pagamutan na bantay sarado ng mga personnel ng Philippine National Police-Special Action Force at Bureau of Corrections.
