HATAW! D'yaryo ng Bayan hatawtabloid.com
PATULOY sa pagbibigay ng kuwelang entertainment ang versatile na comedian/singer na si Mojack. Sa October 1 ay nakatakda siyang mag-show sa SM City Lipa. Bale lagari siya rito dahil after sa SM Lipa, sa hapon ay magtutungo naman siya sa Bacolod para sa isa pang show.
“May mga show ako Kuya, like iyong una ay sa October 1 sa SM Batangas. Yap kuya, lagari ako rito. Mga one pm yung sa Lipa tapos niyon ay sa Bacolod naman, ang lipad ko ay sa hapon, mga around 6 pm..
“Sa October 21 naman sa SM Batangas ay guest ako para naman sa The Singing D Contest. Para iyan sa mga drivers na may talent sa pagkanta, para naman maipakita nila ang galing nila. Na hindi lang sila magaling sa manibela, kundi pati sa kantahan din.
“The Singing D means mga kumakantang mga drivers. Ito ay sponsor ng Smart, Revicon Multivitamins, Nestle Milo, at Drivemax. Ito po ay hatid sa kanila ng Brigada News FM National,” esplika ni Mojack.
Sa October 22 ay mapapanood din si Mojack sa lalawigan naman ng Mariduque.
Kamakailan ay naging jester siya sa The Voice Kids Philippines ng ABS CBN. Kaya naman sobrang thankful ng komedyante sa mga blessing na tulad nito.
“As always, masaya ako kapag marami akong napapasaya. Iba kasi ang feelings kapag nagagawa mo iyon. Kaya thankful talaga ako sa mga biyaya at sobrang nagpapasalamat kay God!”
Si Mojack ay napapanood at napapakinggan pa rin sa 92.7 Brigada News FM every Sunday, 3 to 6 pm sa programa niyang Magpa-MP!
“Ang Brigada ay naririnig hindi lang nationwide kundi buong mundo, dahil may live streaming po kami dito sa link na www.brigada.ph,” saad pa niya.
ALAM MO NA! – Nonie V. Nicasio
