HATAW! D'yaryo ng Bayan hatawtabloid.com
NOMINADO ang Kapamilya actress na si Jodi Sta. Maria sa prestihiyosong 2016 International Emmy Awards gayundin ang primetime series na Bridges of Love.
Si Jodi ay nominado bilang Best Actress para sa kanyang naging pagganap sa 2015 remake na Pangako Sa ‘Yo na ginampanan niya ang role ni Amor Powers.
Makakalaban ni Jodi sina Judi Dench (Roald Dahl’s Esio Trot ng UK), Grazi Massafera (Verdades Secretas ng Brazil), at Christiane Paul (Unterm Radar ng Germany).
Nakatanggap naman ng nominasyon ang Bridges of Love sa Telenovela category. Naipalabas ang Bridged of Love noong 2015 na pinagbidahan nina Maja Salvador, Jericho Rosales, at Paulo Avelino.
Ihahayag sa November 21 sa Hilton New York Hotel ang mga magsisipagwagi.
SHOWBIZ KONEK – Maricris Valdez Nicasio
