HATAW! D'yaryo ng Bayan hatawtabloid.com
KALIBO, Aklan – Sugatan ang isang ginang makaraan tagain ng kanyang mister nang tumangging makipagsiping sa Brgy. Solido, Nabas, Aklan.
Isinugod sa Aklan Provincial Hospital ang ginang na kinilalang si Maricar Villorente, 41, habang sugatan din ang anak na tinaga rin na si Jasmine Villorente, 22, kapwa residente ng nasabing lugar.
Nakakulong sa Nabas-Philippine National Police Station ang suspek na padre de pamilya na si Jose “Jun” Villorente, 40-anyos.
Base sa imbestigasyon ng pulisya, galing sa inoman ang suspek at nang makauwi ay gustong sumiping sa kanyang misis na roon muna natulog sa kuwarto ng kanyang anak na may sakit.
Nang tumanggi ang ginang ay uminit ang ulo ng mister hanggang kumuha ng itak at tinaga ang kanyang misis.
Nadaplisan sa noo si Jasmine at nang makita ng anak ay pumagitna ito sa away ng mga magulang, ngunit siya naman ang nataga ng ama sa ulo nang dalawang beses.
Kahit sugatan, nakahingi ng tulong ang mag-ina sa kanilang mga kapitbahay kaya naitakbo sa ospital.
