HATAW! D'yaryo ng Bayan hatawtabloid.com
AABOT sa 50 ang bilang ng celebrities sa drug list ni Pangulong Rodrigo Duterte.
Ito ang tinuran nitong Sabado ni incoming Subic Bay Metropolitan Authority (SBMA) chairman Martin Diño, kilalang malapit sa chief executive.
Ayon kay Diño, karamihan ay gumagamit ng party drugs, habang may ilan din na tumitikim ng ibang droga.
Ibinunyag din niyang hindi bababa sa 10 ang natukoy na pusher, ngunit hindi muna ito pinangalanan ng bagong SBMA chief.
Giit niya, patikim lang ito para sa mga sumusubaybay sa anti-drug campaign ng gobyerno at bahala na ang presidente na magsapubliko ng mga pangalan.
Matatandaan, si Diño ang kandidatong nagbigay-daan para kay Duterte mula sa PDP-Laban noong nakaraang filing ng certificate of candidacy (CoC) dahil tapos na ang paghahain ng kandidatura nang magdesisyon ang noon ay alkalde pa lang ng Davao City, para lumaban sa presidential race.
