HATAW! D'yaryo ng Bayan hatawtabloid.com
GENERAL SANTOS CITY – Hindi nagawang i-deliver ng isang hinihinalang pusher ang dalang sako na may lamang anim kilo ng marijuana nang mahuli sa buy-bust operation ng pulisya at ng Philippine Drug Enforcement Agency (PDEA-12).
Nabitag ang nagngangalang Alex Abojado, 40, laborer, residente ng San Isidro, Tampakan, South Cotabato makaraan makipagtransaksiyon sa poseur-buyer ng PDEA.
Naaresto ang suspek habang bitbit ang anim kilo ng marijuana at siyam pang pakete nito na nagkakahalaga ng P21,000.
Ang suspek ang isa sa sinasabing pinagmumulan ng marijuana sa mga karatig na bayan ng South Cotabato.
Nalaman na nagmula ang ilegal na droga sa tri-boundary ng Sarangani, Sultan Kudarat at Davao del Sur.
Paglabag sa section 5 at section 11 ng RA 9165 o Dangerous Drugs Act of 2002 ang haharapin ng suspek.
