HATAW! D'yaryo ng Bayan hatawtabloid.com
GENERAL SANTOS CITY – Niyanig ng magnitude 6.5 lindol ang Mati, Davao Oriental dakong 6:53 am kahapon.
Base sa report mula sa Philippine Institute of Volcanology and Seismology (Phivolcs), ang sentro ng lindol ay natukoy sa 41 kilometro southeast ng naturang lugar.
May lalim ito na 42 kilometro at tectonic in origin.
Kasabay nito, naitala rin ang intensity 5 sa Mati, Davao Oriental, Davao City; intensity 4 sa General Santos City maging sa Alabel, Glan at Malapatan, sa Sarangani at Polomolok, South Cotabato.
Habang intensity 3 ang naitala sa Tupi, South Cotabato at Cagayan De Oro City.
Nabatid na naramdaman din ang pagyanig sa iba pang bahagi ng Mindanao.
Agad nilinaw ni Phivolcs Director Solidum, bagama’t may kalakasan ang lindol, walang inaasahang tsunami na idudulot nito.
Ngunit asahan aniya ang serye ng aftershocks na mararamdaman.
Inaalam ng mga awtoridad kung may naitalang pinsala sa nasabing paglindol.
