Evia Lifestyle Center Cinema burara sa safety ng moviegoers

NANAWAGAN ang inyong lingkod sa management ng Evia Lifestyle Center Cinema sa Las Piñas City!

Isang moviegoer ang naging biktima ng kaburaraan ng inyong ‘housekeeping or janitorial team.’

Last night of September 19 (2016), isang moviegoer ninyo ang nadulas sa comfort room diyan sa Evia.

E paanong hindi madudulas, may tubig pala roon sa floor area na hindi natin alam kung saan galing pero wala man lang inilagay na babala o warning sign na “WET FLOOR.”

Nadulas ‘yung biktima at naitukod ang kanyang kamay.

Hindi natin alam kung mayroong nag-assist from the management sa biktimang moviegoer nang mangyari ang insidente.

Grabeng sakit ang naramdaman ng biktima kaya agad siyang dinala ng kanyang mga magulang sa Asian Hospital.

Sumailalim sa iba’t ibang laboratory test ang biktimang nadulas sa Evia Lifestyle Center Cinema gaya ng CT Scan at MRI para makasiguro ang mga magulang na walang masamang nagyari sa kanilang.

Sa kasalukuyan, under observation pa ang pasyente.

Humihingi ng dalangin ang pamilya na sana’y walang mangyaring masama sa kanilang kaanak.

Ngayon, Evia management, mantakin ninyong gumastos ‘yung pamilya ng biktima dahil sa kapabayaan ninyo na tiyaking ligtas ang inyong mga kliyente o customers?!

Considering na itinuturing na high-end establishment ang Evia pero hindi ninyo tinitiyak na ligtas ang inyong mga parokyano at kliyente?!

Wattafak!

Pera-pera lang ba talaga ang habol ninyo sa mga customer at hindi man lang ninyo masiguro ang kanilang kaligtasan?!

Aba, kung ganyan kaburara ang Evia Lifestyle Center Cinema, mas mabuti sigurong iwasan muna ng mga mall-goer ang pumunta riyan?!

Lipat-lipat muna kayo sa ibang mall, mga suki!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap