Kilalang personality, tinakbuhan ang mga inutangan

HATAW kung hataw! Ganito raw ang ginawa ng isang kilalang personality nang mamalagi sa Amerika kamakailan. Humataw nang humataw sa kauutang dahil nga mayroon namang kakilalang nag-guarantor sa kanya para makahiram ng halagang $15,000.

Dahil kilala ang personalidad kaya kampante ang nagpa-loan ng pera sa kanya. At kilala rin naman ang nag-guarantor for him. Ilang panahon pa lang itong namamalagi sa bansa ni Uncle Sam although balik-balik na sila ng pamilya niya sa nasabing bansa.

Lumagay na rin kasi sa tahimik ang personalidad. At ang alam nga ng mga nasa ‘Pinas eh, doon na ito mamamalagi dahil namalaam na nga ito sa career niya sa bansa dahil pakiwari niya eh, wala namang pumapansin sa kanya rito.

Pero ngayon, ipinagtatanong na raw ng inutangan nito his whereabouts. At ang naiipit nga eh, ang nag-guarantor sa kanya sa nasabing loan. Nagbayad naman daw ito ng halagang $1,400.00 pero siyempre kailangan ang buong halaga ang ibalik niya.

Mukhang ang guarantor pa niya (na kilala ring personalidad ang maybahay) ang madedemanda sa nasabing kaso. Pero gusto pa rin ng mga tinakbuhan niya, dahil na rin daw sa mga nagtalbugang tseke ang habulin pa rin siya kahit ang balita eh, nakauwi na siya rito sa bansa.

Ang gusto lang naman ng mga inutangan niya eh, harapin niya ang problema at makipag-usap. Hindi na raw kasi ito ma-contact.

Dito naman sa homefront, agad na kumalat ang balitang nahiwalay na ito sa misis na tatlong beses pa raw ikinasal sa US of A. At bukod sa financial problems eh, naparatangan pa itong manloloko ng kanyang pinakasalan.

Saan ba ginamit ang ganoong halaga. Na kung tutuusin ‘di naman kalakihan. Sa ginanap bang ilang beses na pagpapakasal? Sa luho?

Whatever happened to this guy? What did the Bible say?

Ang maganda, harapin na lang ang problema. Para wala ring ibang masira!

( Pilar Mateo )