HATAW! D'yaryo ng Bayan hatawtabloid.com
CAUAYAN CITY, Isabela – Sampu ang sugatan, kabilang ang isang kritikal ang kalagayan, makaraan bumaliktad ang sinasakyang jeep sa Alicia, Isabela kamakalawa.
Ang mga kabataang miyembro ng Praise of God Church ay dinala sa Integrated hospital ng San Mateo, Isabela para malapatan ng lunas.
Malubha ang kalagayan ng isa sa mga biktima na kinilalang si Jessiebeth Mesa kaya inilipat sa ibang ospital.
Sinabi ni Pastor Gregorio Oliveros ng Praise of God, sakay sila ng inarkilang jeep at patungo sana sila sa Maddela, Quirino para sa aktibidad ng kanilang simbahan.
Nang makarating sila sa Alicia, Isabela, napansin ng pastor na mabilis ang takbo ng kanilang sinasakyang jeep kaya’t tinanong ang driver ngunit hindi na makontrol ang manibela hanggang sa nahulog sila sa palayan at bumaliktad ang jeep.
