HATAW! D'yaryo ng Bayan hatawtabloid.com
NAGHIHIMAS ng rehas na bakal ang isang 37-anyos construction worker makaraan dakmain ang ari ng isang 14-anyos dalagitang high school student sa Ermita, Maynila, kahapon.
Agad naaresto ang suspek na si Leno Colon y Merano, tubong Iloilo City, at stay-in sa itinatayong gusali sa San Marcelino St., sa Ermita.
Habang na-trauma ang biktimang si Jenny, Grade 7 pupil sa Araullo High School at residente sa Singalong St., Malate.
Batay sa ulat ni SPO1 Thelma Samodio, ng MPD-Children and Women Protection Unit, dakong 2:00 pm nang maganap ang insidente malapit sa gate ng nasabing paaralan sa United Nations Avenue sa Ermita.
Ayon sa salaysay ng dalagita, nang makasalubong niya ang suspek ay bigla na lamang dinakma ang kanyang kaselanan sabay sabi ng katagang “Malaki na.”
Isinumbong ng mga saksi ang insidente sa mga tauhan ng Manila Traffic & Parking Bureau (MTPB) na nagresulta sa pagkakadakio sa nasabing suspek.
( LEONARD BASILIO )
