PNP ‘di kombinsido sa drug test ng celebrities

HINDI kombinsido ang PNP Anti-Illegal Drugs Group (AIDG) sa sariling drug test ng ilang talent agency sa kanilang mga artista.

Ito ay makaraan isapubliko ng ilang talent agency na negatibo sa ilegal na droga ang mga showbiz personality na hawak nila.

Ayon kay PNP-AIDG director, Senior Supt. Albert Ferro, paano nila paniniwalaan ang resulta ng mga drug test na inilalabas ng mga talent agency kung hindi ito ginawa sa harap ng mga pulis.

Giit ni Ferro, may ibang teknik na ginagamit ang PNP crime laboratory para sa pagsasagawa ng drug test.