HATAW! D'yaryo ng Bayan hatawtabloid.com
ITO ang scoop na mismong pinaputok ni Tita Cristy Fermin sa Wednesday edition ng kanyang Cristy Ferminute sa Radyo Singko (where this writer is her co-anchor).
Huwag lang magbabago ang plano ay kasado na ang APT-produced talk show ni Kris Aquino. Pre-programming ito ng Eat Bulaga (na prodyus naman ng Tape, Inc. ni Mr. Tony Tuviera) at makakatapat mismo ng Gandang Buhay sa time slot dati ng Kris TV.
So, unti-unti na palang nagkakahugis ang TV career ni Kris kung paanong “tinabla” siya ng mga executive ng ABS-CBN (kaya nga siya lumipat, ‘di ba?) begging for time slot again.
Ang gusto umano kasing mangyari ni Kris, the moment she got back from her vacation ay ibigay muli ang dating oras ng Kris TV, bagay na pinalagan ng network. Kabastusan at kawalan nga naman ng respeto ang hakbang na ‘yon kina Jolina Magdangal, Karla Estrada, at Melai Cantiveros gayong ang mga ito na nga ang sumalo sa binakanteng time slot ni Kris.
Going back to Kris’ would-be morning show, teka, para lang Ryza Mae Dizon ang peg niya, ha? But of course, Kris Aquino will always be Kris Aquino. Without a doubt, aabangan maging ng ABS-CBN ang ipantatapat niya sa estasyong nilayasan niya.
Ito na ba ‘yung sinasabing mala-Oprah Winfrey ang peg na show? APT nga lang ba ang magpo-prodyus nito? Or eventually ay papasok na rin si Kris as co-producer tulad ng nais naman niyang mangyari kalaunan?
Known for her sanrekwang demands, matugunan naman kaya ito ng APT? Hanggang kailan naman kaya ang “honeymoon experience” ni Kris at ni Mr. Tuviera?
Masagot kaya ito ni Keempee de Leon?
HOT, AW! – Ronnie Carrasco III
