HATAW! D'yaryo ng Bayan hatawtabloid.com
ARESTADO ang isang American national, nagpakilalang siya ay retiradong intelligence officer ng United States Air Force, makaraan makompiskahan ng party drugs nitong Lunes sa Taguig City.
Kinilala ng mga awtoridad ang suspek na si Raul Antonio Cisneros, nadakip ng mga tauhan ng Taguig City Police sa kanyang condominium unit dakong 2:00 pm kamakalawa.
Nakompiska mula sa suspek ang mahigit 1,000 tablets ng assorted party drugs at P40,000 cash.
Ayon sa suspek, inakala niyang legal sa bansa ang nasabing party drugs.
Dumating sa bansa si Cisneros nitong Abril ngunit hindi nagbigay ng detalye kung paano niya naipasok sa Filipinas ang droga.
