HATAW! D'yaryo ng Bayan hatawtabloid.com
TINIYAK ng awtoridad na miyembro ng malaking sindikato at dati nang naaresto sa pagtutulak ng shabu ang kapatid ni Maritoni Fernandez, na pinaslang ng hindi nakilalang mga suspek nitong Linggo, ayon sa Quezon City Police District (QCPD).
Sinabi ni QCPD chief, Senior Supt. Guillermo Eleazar, natimbog ang biktimang si Ma. Aurora Moynihan at pitong iba pa sa isang buy-bust operation sa Taguig noong Pebrero 28, 2013.
Pansamantalang nakalaya si Moynihan makaraan maghain ng piyansa. Nakasalang sa isang korte sa Taguig ang kaso niyang kaugnay sa pagbebenta ng droga.
Linggo ng madaling-araw, natagpuan ang bangkay ni Moynihan sa Corinthian Hills Subdivision sa Quezon City. Katabi niya ang isang karatulang may mensaheng, “Pusher ng mga celebrities, kasunod na kayo.”
