HATAW! D'yaryo ng Bayan hatawtabloid.com
THE crawl!
Ito pala ang titulo ng travel show ng aktor na si Piolo Pascual. Na mapapanood na sa lifestyle channel.
May kasama siya sa show. Si Lui Villaruz. At dalawa silang gumagalugad sa bansang pinupuntahan nila. At ang tinututukan nga ay ang mga kakaibang pagkain o putahe sa nasabing bansa.
At Japan ang una nilang pinuntahan.
Kaya ipinakita ang paggawa o paghahanda ng ramen at okonomiyaki.
Sabi ni Piolo, dinaranas din ang kultura ng lugar sa mga pagkaing inihahain sa bawat lugar.
Akala naman ng iba horror ang titulong The Crawl. Para ka raw kasing gagapang. At ‘yun naman daw kasi ang gagawin nila sa bawat episode nito. Gagalugarin ang sulok ng mga bibisitahin nila.
Kaya nakapunta rin sila sa Osaka para sa Universal City Walk, Takoyaki Museum, Hozenji, at Kuromon Market. Mga lugar sa Japan na ang ilan eh, never heard na siya namang ibabahagi sa atin ng dalawa.
Mahilig naman pala talaga mag-travel si Piolo. Pati na si Lui. Kaya nga kapag humarap na ito sa Internet, mga lugar na nasa wish list niya ang inire-research niya bago puntahan. Lalo na sa mga direction.
Ngayon, ipakikita pa niya ito sa mga manonood. At ipararamdam ang kanilang gustatory at cultural experiences.
The Crawl. Para lang silang mga langgam na nasa siit ng mga kasulok-sulukang lugar sa sari-saring bansa ng mundo.
More to learn!
Ang tanong bakit daw walang babaeng co-host para mas masaya ang tila road trip na palabras?
Ask the producers!
HARDTALK – Pilar Mateo
