HATAW! D'yaryo ng Bayan hatawtabloid.com
MAAARING hindi na bago ang mga madamdaming eksena sa putikan, pero kung si direk Louie Ignacio ang tatanungin ay ito ang aabangan sa kanyang latest movie na Area.
Ang Area ay pinagbibidahan ni Ai Ai de las Alas na gumaganap na isang aging sex worker, na itinuturing niyang dream role.
Ayon kay direk Louie, wala raw kaarte-arte ang Comedy Concert Queen sa eksenang kinailangan niyang sumubsob sa putikan.
And good news, ang Area ay kakatawan sa bansa sa Kazahkstan International Film Festival.
Matatandaan that direk Louie scored victory noong manalong Best Actress si Aiko Melendez sa Manhattan International Film Festival last year para sa pelikula niyang Asintado. Literal ngang naasinta ng mga taong bumubuo ng pelikula ang much-coveted acting award para kay Aiko from the movie na nagtanghal din kay direk Louie bilang Best Director sa Cinemalaya noon ding isang taon.
Following the pattern, asyumera kaya kaming matatawag kung sasabihin naming tiyak na rin ang pagiging Best Actress ni Ai Ai sa festival sa naturang transcontinental country?
By the way, maitanong lang: hindi ba’t ang salitang “area” ay kadalasang ginagamit sa mga gay bar na ang mga nagtatanghal na macho dancer ay nanghahalina sa kanilang mga gay at female patrons sa kanilang kinauupuan?
HOT, AW! – Ronnie Carrasco III
