HATAW! D'yaryo ng Bayan hatawtabloid.com
HINDI pa maituturing na mga suspek sa Davao blast ang tatlong indibidwal na itinuturing ng pambansang pulisya bilang ‘person of interest.’
Ayon kay PRO-11 spokesperson, Chief Insp. Andrea Dela Cerna, nasa proseso pa ang pulisya ngayon sa pangangalap ng ebidensiya lalo sa tatlong indibidwal na posibleng may kinalaman sa madugong pagsabog.
Sinabi ni Dela Cerna, sa ngayon hindi pa nila naa-identify ang pagkakakilanlan ng dalawang babae at isang lalaki na posibleng may kinalaman sa pagpapasabog.
Dagdag ng opisyal, patuloy ang ginagawa nilang pangangalap nang malinaw na kopya ng CCTV sa kalapit na mga estabilisimiyento.
Aniya, hindi tumitigil ang CIDG-11 sa pagkuha ng ebidensiya nang sa gayon matukoy kung sino at anong grupo ang nasa likod ng Davao deadly bombing.
Nagpapatuloy aniya ang malalimang imbestigasyon ng pulisya kaugnay sa nangyaring pagsabog.
