Sa Davao City bombing… US-backed ASG, drug lords o destabilization laban kay Digong?

PAGKATAPOS ng pagkabigla, pagkalungkot at pagkatakot, nag-iisip ngayon ang sambayanan kung sino nga kaya ang posibleng gumawa ng pambobomba sa Davao City.

Unang lumutang ang maitim na balak ng US-backed Abu Sayyaf Group (ASG) na kasalukuyang dinudurog ng military dahil sa kanilang walang habas na pamiminsala sa pamamagitan ng kanilang notoryus na kidnap-for-ransom (KFR) activities.

At habang binobomba ang ASG, matalas din ang pahayag ni Pangulong Digong laban sa walang habas na pagpuna ni US President Obama sa extrajudicial killings laban sa mga pinaghihinalaang drug personalities.

Hindi ba’t sinagot sila ni Digong na pangangaralan muna niya si Obama tungkol sa human rights dahil hindi hamak na mas maraming violations ang US sa iba’t ibang bansa sa buong mundo?!

Kaya ang US-backed ASG ang suspect # 1.

Suspect #2, ang drug syndicates. Tanging si Pangulong Digong lamang ang nakapagsulong nang ganito katapang na laban at kampanya laban sa salot na ilegal na droga.

Suspect #3, destabilization plot laban kay Digong ng mga taong hindi matanggap-tanggap na ilalampaso sila ng isang  ‘promdi’ na gaya ng Pangulo.

Lahat sila ay suspek.

Alinman sa tatlo ang suspek sa Davao City bombing — isa lang ang masasabi ng sambayanan — demonyo sila hindi tao.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap