HATAW! D'yaryo ng Bayan hatawtabloid.com
SI Hiroki Ogita, ang 28-year-old pole vaulter mula sa Japan, ay maganda ang naging laro sa 2016 Rio games.
Upang makapasok sa qualifying round para sa finals, tinangka niyang maiangat ang sarili para sa gold medal sa vault na 5.30 meters (a little over 17 feet).
Sa kabila nang maganda niyang pagtatangka, naging masyado siyang malapit sa bar.
At habang sinisikap niyang ilayo ang sarili sa bar, nakuhaan ng mga camera sa Olympics ang kanyang ari na mistulang sumabit sa bar.
Makaraan ang isang segundo, nalaglag ang bar kasama ng athlete.
Sa ilang beses na slow motion replays, inianunsiyo ng news agencies sa mundo na masyadong malaki ang pagkalalaki ni Ogita na kayang baklasin ang bar mula sa moorings nito.
Natapos niya ang kompetisyon sa 21st place.
Samantala, ipinaliwanag ng kanyang coach na si David Yeo, una nang nasagi ng braso ni Ogita ang bar. Kahit aniya hindi sumabit ang short ni Ogita sa bar, talagang mahuhulog na ito.
Sa simula, hindi maunawaan ni Ogita kung bakit sinisi ng mga tao sa kanyang ari ang kanyang pagkatalo.
Gayonman, makaraang mapanood ang video footage, nauunawaan na niya kung bakit naging isyu ang insidente.
At bagama’t hindi siya pinalad sa Rio Olympics, sa pagdagsa ng marriage proposals sa kanyang social media accounts, nabatid niyang nagkaroon siya ng maraming tagahanga.
(WEIRD ASIA NEWS)
