HATAW! D'yaryo ng Bayan hatawtabloid.com
MAKABUBUTING mag-leave pansamantala si Pangasinan Rep. Amado Espino Jr., makaraan madawit ang kanyang pangalan sa inilabas na drug matrix ni Pangulong Rodrigo Duterte.
Sinabi ni Deputy Speaker at Capiz Rep. Fredenil Castro, ito ang pinakamagandang dapat gawin ni Cong. Espino para maklaro ang kanyang pangalan.
Ayon kay Castro, pansamantalang hahalili kay Espino ang tinatawag na caretaker congressman kapag pinili niyang mag-leave muna sa mababang kapulungan ng Kongreso.
Aniya, maaaring i-appoint ng Kamara ang isang congressman mula sa distrito ng probinsya ng Pangasinan bilang tagapangasiwa ng 5th district ni Espino.
