HATAW! D'yaryo ng Bayan hatawtabloid.com
SINALAKAY ng hinihinalang mga miyembro ng ISIS-inspired Maute Group ang Lanao del Sur Provincial Jail sa Brgy. Mapandi sa Marawi City at itinakas ang 30 preso.
Kabilang sa mga nakatakas ang walong hinihinalang miyembro ng Maute group na naaresto sa bayan ng Lumbayanague, kabilang sina Hassim Balawag Maute alyas Apple Jehad, Abul Jabbar Tominaman Macabading, Jamil Batoa Amerul at Muhammad Sinodin Mulok.
Ang mga suspek ay nahuli sa Lanao del Sur noong Agosto 22.
Ayon kay S/Supt. Agustine Tello, Lanao del Sur police director, hindi nakaporma ang mga personnel ng Bureau of Jail Management and Penology (BJMP) na nagbabantay sa piitan dahil sa dami ng mga umatake.
Naglunsad ang militar ng operasyon para tugisin ang grupo.
