Kaso vs De Lima et al ikinakasa na — Panelo

INIHAHANDA na ang kaso laban kay Senador Leila de Lima at iba pang mga personalidad na kasama sa ibinulgar na matrix ni Pangulong Rodrigo Duterte.

Sinabi ni Atty. Salvador Panelo, Chief Legal Counsel ni Duterte, abala sila ngayon sa paghahanda ng mga ebidensiya na magdidiin kay De Lima at iba pang may kinalaman sa mga drug lord sa bansa.

Ayon kay Panelo, sa kabila na may mali sa grammar ng matrix na nauna nang pinuna ng senadora, hindi magbabago ang katotohanan na may kinalaman siya sa drug lords batay sa naipong intelligence reports.

Pinayuhan din niya ang lady senator na tanggapin na lamang ang mga kritisismo at kahihiyan na normal lamang para sa isang public official lalo kung may isyung kinasasangkutan.

Huwag aniyang sisihin ng senadora ang Pangulo sa mga nangyayari sa kanya ngayon kundi ang kanyang sarili mismo.