HATAW! D'yaryo ng Bayan hatawtabloid.com
AFTER ng presscon ng Lucky 7 Koi Productions Inc., para kina Michael Pangilinan at Morissette para sa Powerhouse: A Concert of World-Class Pinoy Performers @The Theater, nagparinig ng ilang awitin ang dalawa.
Lalong gumagaling si Michael. Sanay na sanay na talaga siyang mag-performer sa harap ng maraming audience at tila minamani-mani na lang niya ang pagkanta.
Masarap talagang pakinggan ang napakaganda at malamig na boses ni Michael.
At lalo kaming nasiyahan sa pakikinig nang mag-duet na sila ni Morissette na sabi nga ng ibang kasamahan sa panulat, kung may karapat-dapat tawaging Birit Queen sa bagong henerasyon, ito’y walang iba kundi si Morissette.
Tila nasa concert na nga kami nang hapong iyon dahil todo sa pagbirit sina Morissette at Michael. And narinig na naman namin ang napakalinis na pagsipol ni Morissette. ‘Ika nga ng kasamahang Jojo Panaligan, ‘napakalinis ng pagsipol ng batang ‘yan’. Na siyang tunay na tila talo pa si Mariah Carey sa pagsipol.
Malayo na nga ang narating ng dalaga simula nang umalis siya sa TV5 para sumali sa The Voice ng ABS-CBN. Isa na siya sa pambatong singer ng Kapamilya Network na kaliwa’t kanan na ang shows niya here and abroad.
Sa ipinarinig na kanta nina Michael at Morissette, tiyak na mas magaganda pang awitin ang inihanda nila sa Powerhouse concert sa Oct. 28, 7:30 p.m. kaya buy na kayo ng tiket dahil hindi kayo malulugi sa napakagandang show na inihanda nila. For ticket inquiries, call lang kayo sa Ticketworld (891-9999).
SHOWBIZ KONEK – Maricris Valdez Nicasio
