Michael Pangilinan, ipaglalaban ang anak

TUNGKOL pa rin kay Michael Pangilinan, napag-alaman naming pinadalhan na ni Atty. Ferdie Topacio, legal counsel ng singer, ng invitation si Ms. Erin Ocampo, ina ng anak ni Michael, para pag-usapan ang ukol sa visitation rights ni Michael sa kanilang anak.

Ayon sa balita, hindi naging maganda ang kinahinatnan ng kasunduan nina Michael at Erin before na puwedeng makasama ni Michael ang anak nila. Bigla raw kasing naiba ang ihip ng hangin. Hindi na pinayagan ni Erin na ipahiram ang baby nila kay Michael overnight dahil hindi raw pumayag ang stepdad ng girl kaya minabuti ni Michael na daanin na lang ang lahat sa legalidad.

“Hindi puwedeng ang stepdad niya ang magde-decide para sa baby ko. Maayos ang naging usapan namin ni Erin noon pero ni minsan ay hindi siya tumupad. Gusto niya ay dadalhin niya ang bata sa bahay pero iuuwi rin niya agad. Hindi ganoon ang naging usapan namin. Bakit pinahihirapan nila ako sa anak ko?” sambit ni Michael.

Umaasa si Michael na ngayong sumulat na ang kanyang abogado, maaayos na ang lahat.

For the meantime, tuloy pa rin ang pagtatrabaho ni Michael na ginagawa niya para sa kanyang anak.

SHOWBIZ KONEK – Maricris Valdez Nicasio