Jaycee Parker, umiiwas na sa sexy projects!

DATING member ng Viva Hot Babes si Jaycee Parker.

Isa siya sa pinaka-seksi at pinaka-daring na member ng naturang all-female group. Ayon sa kanya, ang pelikulang Ilusyon ang pinaka-daring na nagawa niya noon.

“Sa Ilusyon po, the movie that I won an award po, iyon ang pinaka-daring. Ito yung first Rated-R movie na Rated-A by the CEB. Nanalo rin po ako riyan ng Breakthrough Performance by a Female Actress sa Golden Screen awards,” saad ni Jaycee.

Game pa ba siyang magpa-sexy ngayon?

Sagot niya, “Sa totoo lang po madaming offers sa akin na sexy, pero gusto ko po sanang umiwas sa masyadong sexy na roles. Gusto ko po kasi, mapansin ako sa pag-arte at hindi lang po sa pagpapa-sexy.

“So, gusto ko namang sumabak din sa drama, action, comedy at hindi puro pa-sexy lang po.”

Dagdag pa niya, “Im doing Wives of House #2 on Sari-Sari Channel. Then, I’m also doing a play, tapos mga guestings po.

“Iyong play po is Ako at si Mariang Sinukuan, ako po iyong lead, ako si Maria Sinukuan.”

First time mo bang nag-stage play?

“Second na po, pero super tagal na noong dati… 2008 pa po yata We’ll be starting rehearsals pa lang po kaya ngayon kinakabisado ko po iyong mga lines. Kasi siyempre sa play, walang take-2.”

ALAM MO NA! – Nonie V. Nicasio