Duterte pursigido sa laban sa droga (Apo ayaw maging biktima )

INSPIRADO si Pangulong Rodrigo Duterte na doblehin pa ang kanyang ginagawa laban sa illegal na droga at kriminalidad lalo ngayong malapit nang madadagdagan ang bilang ng kanyang mga apo.

Sinabi ni Communications Secretary Martin Andanar na lubos na nagalak ang Pangulo nang malaman na magkakaroon siya ulit ng apo sa kanyang anak na si Davao City mayor Sarah Duterte at ito ay triplet.

Lalo aniyang magiging masigasig ang Pangulo na puksain ang illegal drug trade sa bansa para maging ligtas ang kanyang mga apo at sa mga susunod na henerasyon laban sa ilegal na droga at krimen.

“Mayor Sara’s pregnancy serves as a source of inspiration for the Chief Executive to roll up his sleeves and work double time in his fight against crimes and drugs.  He hopes to leave a legacy of a Philippines safe and secure from crimes and drugs to future generation of Filipinos,” ani Andanar.

Nagpaabot ang Palasyo ng pagbati sa alkalde ng Davao at sa mister niyang si Atty. Maneses Carpio at umaasang maging ligtas ang pagdadalantao hanggang maisilang ang triplet. (RN)