Erika Mae Salas, abot-kamay na ang mga pangarap!

POSITIVE ang pananaw ng magandang newcomer na si Erika Mae Salas pagdating sa career niya. Kahit nag-aaral, abala siya sa recording para sa kanyang debut album.

“Medyo busy po sa schooling at katatapos lang ng recording of two songs po. Three more this week or next week po. Hopefully before the end of August ay matapos na po ang mga songs sa album,” kuwento sa amin ni Erika Mae.

Ayon pa sa dalagita, masaya raw siya kapag nagpe-perform. “Masaya po at excited, basta po ine-enjoy ko na lang po ‘yung performance.”

Naging parte siya sa katatapos na mall tour ni Marion Aunor at nabanggit ni Erika Mae na malaking bagay ito sa kanya. “Isa po ako sa front acts ni Ate Marion. It’s an honor po for me na makasama ang isang Marion Aunor, napakalaking achievement po iyon para sa baguhang katulad ko.

“Napakagaling po ni Ate Marion, hindi lamang sa pagkanta pati na rin sa pag-e-entertain ng mga tao, para po siyang walang kapaguran. Ang dami ko pong natutunan sa panonood sa kanya. Halos kabisado ko na po lahat ng songs na nakapaloob sa album niya dahil sobrang gaganda po ng mga awitin nya.”

Dito’y nabanggit din ni Erika Mae na wish niyang gawan din siya ng kanta ni Marion para sa kanyang album. “Siyempre po wish ko rin na sana maigawa rin ako ng kanta ni Ms. Marion Aunor in the future. Iyong mga song po kasi niya, siya halos ang nag-compose lahat, very talented na, mabait pa po si Ate Marion,” bulalas pa ng dalagita.

Bukod sa pagiging singer, nakatakda rin gumawa ng pelikula si Erika Mae para sa Black Sampaguita Production International. Ang pelikula ay pinamagatang Reyna Engkantada at ito’y tatampukan ni Ms. Lou Baron.

ALAM MO NA! – Nonie V. Nicasio