Ana Capri, enjoy sa takbo ng kanyang showbiz career!

INE-ENJOY ni Ana Capri ang takbo ng kanyang showbiz career. Happy ang award-winning actress sa mga dumarating na proyekto sa kanya. Naging part si Ana ng TV series na All of Me ng ABS CBN at ngayo’y kasali sa Magkaibang Mundo ng GMA-7.

Sa pelikula ay kaliwa’t kanan din ang projects niya. Bukod sa indie, may mga mainstream movie na natotoka rin sa kanya.

“Sa pelikulang Barcelona nina Kathryn Bernardo at Daniel Padilla, kasali ako roon. Bale, stepmom ako ni Daniel dito at asawa ko si Joey Marquez,” saad ni Ana.

Kuwento pa niya, “May sisimulan akong project na indie, tatlo iyon actually pero hindi pa puwedeng sabihin. Pagkatapos ng Magkaibang Mundo, gusto ko munang gumawa ng mga indie.

“Isa sa movie ko, yung Laut ni Direk Louie Ignacio na kasalukuyang pinalalabas sa mga festival ngayon. Natapos ko rin yung Latay ni Direk Carlos Morales, about sa hazing ito.”

Proud ka ba sa pelikulang Laut?

“Oo naman, proud ako!” Mabilis na sagot ng aktres. “At saka iba ang role ko roon at iba ang itsura ko roon, hehehe!

“Umaani ngayon ng papuri ang movie, di ba? Umiikot na siya at ang dami niyang festival na sasalihan sa abroad. Hindi ba naging opening siya sa Cinemalaya? Kaya proud ako sa movie na iyon, na maging part ng movie at proud ako to be working with Direk Louie.

“Hindi ba si Barbie nanalo pa roon ng Best Actress? love ko si Ms. Baby Go, ang dami niyang ginagawang project. Sana more project pa na makabuluhan sa grupo nila.”

Pahabol pa ni Ana, “Kagaya nito, nagpi-pictorial, chill lang,” nakangiting saad niya. “And gusto ko nga palang magpasalamat kay Ms. Paloma Moon, ang aking hair and make up stylist. Plus kay Don Cristobal for my gown.”

Idinagdag pa niyang happy siya na nakakalagari sa ABS CBN at GMA-7.

“Of course, masaya ako. Kasi, hindi naman lahat ay nakakagawa noon. Kaya thankful naman ako na ina-accommodate ako ng both networks. Na kinukuha talaga nila ako pareho. Na kumbaga, kapag pumunta ako sa kabilan, nakakabalik pa rin ako sa kanila, na okay lang sa kanila.”

ALAM MO NA! – Nonie V. Nicasio