2 biyahe ng eroplano kanselado, 4 na-divert sa Clark (Sa masamang panahon)

DALAWANG biyahe na ng eroplano ang nakansela bunsod ng masamang panahon na nararanasan sa Metro Manila at iba pang bahagi ng Luzon at Visayas.

Nakansela ang biyahe ng Cebu Pacific mula Tuguegarao patungong Manila at Manila-Dipolog na flight.

Habang na-divert sa Clark International Airport sa Pampanga ang apat na flights dahil sa walang humpay na pag-ulan sa Metro Manila.

Dalawa sa mga na-divert na biyahe ng eroplano ay mula Hong Kong habang ang dalawa pa ay domestic flights mula Tagbilaran at Davao na lalapag sana sa Ninoy Aquino International Airport.