HATAW! D'yaryo ng Bayan hatawtabloid.com
# HUMANTRAFFICKING Rampant! Napapanahon ang kuwentong ihahatid ng MMK (Maalaala Mo Kaya) ngayong Sabado, Agosto 13, sa Kapamilya.
Itatampok sa istorya nina Julia at Denise sina Meg Imperial at Valerie Concepcion. Kasama sina Debbie Garcia, Jai Ho, at Kaiser Boado. Mula sa iskrip nina Mary Rose Colindres at Arah Jell Badayos sa direksiyon ni Garry Fernando.
Mahilig magsasali sa beauty pageant si Julia para makuha ang atensiyon ng pabaya niyang ina. At nang may mag-anyaya sa kanya na sumali sa isang cultural group sa Zamboanga ay sumama siya para lang matuklasang ang magiging trabaho niya ay isang sexy dancer.
Dito niya makikilala si Denise na isang club dancer. Naging malalim ang kanilang pagkakaibigan na masahol pa sa tunay na magkapatid. At magkasama nilang binubuno ang pagharap sa buhay.
Matapos ang ilang panahon, pin;ano nila ang lumipat na sa Cebu sa isang mas malaking club kasama ang kagrupo nila. Pero ilang marinero ang nagsumbong sa kanila sa DSWD (Department of Social Welfarw and Development) at napagbintangan na sila sa kaso ng human trafficking.
Isang biro ng tadhana. Na kinaya ba ng dalawa na harapin o takasan?
HARDTALK – Pilar Mateo
