HATAW! D'yaryo ng Bayan hatawtabloid.com
LIGTAS na nakalabas mula sa eroplanong nag-emergency landing sa Ninoy Aquino International Airport (NAIA) terminal 1 ang 207 pasahero ng Gulf Air flight 155.
Nangyari ito bandang 12:30 nn kahapon.
Ayon sa Manila International Airport Authority (MIAA), umusok ang internal engine ng sasakyan kaya napilitan ang piloto na humingi ng clearance para sa emergency landing.
Nabatid na patungo sana sa Bahrain ang eroplano nang magkaroon ito ng engine trouble.
Sa ngayon, inaalam ng mga awtoridad kung ano ang sanhi ng problema at kung sino ang posibleng may pananagutan dito.
